
2 hezar û 541 kesayet dixwazin hevdîtinê bi Ocalan re bikin

2025-09-21 16:20:32


	&nbsp;

	&nbsp;

	NAVENDA NÛÇEYAN - Înîsiyatîfa Azadiya Rêber Abdullah Ocalan a Sûriyeyê û Înîsiyatîfa Parêzeran a Sûriyeyê ya ji bo Parastina Rêber Abdullah Ocalan encama kampanyaya xwe ya “Dixwazim bi Ocalan re hevdîtinê bikim” parve kirin û gotin ku li tevahiya Sûriyeyê 2 hezar 541 kes tev li bûne.&nbsp;

	&nbsp;

	Înîsiyatîfa Azadiya Rêber Abdullah Ocalan a Sûriyeyê û Înîsiyatîfa Parêzeran a Sûriyeyê ya ji bo Parastina Rêber Abdullah Ocalan, di 20’ê Tebaxa îsal de li Sûriyeyê dest bi kampanyaya “I Want to Visit Ocalan / Dixwazim bi Ocalan re hevdîtinê bikim” kiribûn û kampanya di 10’ê Îlonê de bi dawî kiribûn. Encamnameya kampanyayê îro bi daxuyaniyekê hate aşkerakirin.&nbsp;

	&nbsp;

	Daxuyanî, li pêşiya Navenda Înîstiyatîfa Azadiya Rêber Abdullah Ocalan a Sûriyeyê ya li bajarê Qamişlo, bi amadebûna endamên însiyatîfan hate dayîn. Daxuyaniya bi Kurdî Jiyan Arkendî û ya bi Erebî jî ahîn Heyder xwend.&nbsp;

	&nbsp;

	Di daxuyaniyê de hate gotin ku înîsiyatîfan li ser bingeha “Banga Aştî û Civaka Demokratîk” a Rêberê Gelê Kurd Abdullah Ocalan û di çarçoveya kampanyaya “Dixwazim bi Ocalan re hevdîtinê bikim” a Foruma Ewropî ya Azadî û Aştiyê de wan jî kampanya daye destpêkirin. Bi domdarî hate gotin ku kampanya li seranserî Sûriye û Bakur û Rojhilatê Sûriyeyê hatiye domandin û deng vedaye.&nbsp;

	&nbsp;

	Di berdewamê de hate gotin ku gelek derdorên weke çalakvanên mafên mirovan, akademîsyen, siyasetmedar, rewşenbîr, serokên eşîran, melayên olî, bijîşk, endazyar, her wiha nûnerên komên etnîkî û olî yên cihêreng li Sûriyeyê, di nav de Kurd, Ereb, Suryan-Asûr, Ermen, Êzidî, Tirkmen, Çerkes, ji mezhebên cuda yên Îslamî (Sunî, Elewî, Îsmaîlî û Durzî) jî tev li bûn. Hat gotin ku hejmareke ji kesayetên navdar ên ji Şam, Heleb, Laziqiyê, Tertûs, Hums, Deraa, Quneytra, Siwêda û Idlibê jî tev li bûn. Di berdewamê de hate gotin ku 2 hezar û 541 kes tev li kampanyayê bûne.&nbsp;

	&nbsp;

	Bi domdarî hate gotin ku dê ev encama kampanyayê ji Sekreterê Giştî yê Neteweyên Yekbûyî, Komîteya Pêşîlêgirtina Îşkenceyê ya Ewropayê (CPT), Serokatiya Konseya Yekitiya Ewropayê, Konseya Mafên Mirovan a NY’ê û Wezîrê Dadê yê Tirkiyeyê re bê şandin.&nbsp;

	&nbsp;

	Bang

	&nbsp;

	Herî dawî jî bang li saziyên têkildarî ên neteweyî û navneteweyî hate kirin ku li gorî rêgezên hiqûqa navneteweyî tevbigerin û berpirsyartiyên xwe bicih bînin.&nbsp;

	&nbsp;