Di sala 2025’an de li Îranê herî kêm 1,500 kes hatine darvekirind 

2026-01-01 16:47:43


	 

	NAVENDA NÛÇEYAN - Li gorî daneyên rêxistina civakî ya bi navê Mafên Mirovan a Îranê (Iran Human Rights-IHR), li Îranê di tevahiya sala 2025’an de 1000 û pêncsed kes hatine darvekirin.

	 

	Dîrektorê IHR’ê Mahmood Amiry-Moghaddam ku navenda saziyê li Norwecê ye daxuyaniyek da AFP’ê û got: ‘’Tişta ku em bi awayekî teqez dizanin ew e ku hejmara darvekirinan ji  hezar û pêncsed derbas bûye. Ev rekorek e. Ji dawiya salên 1980’yan ve ye yanî zêdetirî 35 salan e hejmara herî bilind ev e.’’

	 

	Her wiha Amiry-Moghaddam diyar kir ku hê çend sedekên bûyerên darvekirinê yên nehatine piştraskirin hene û anî ziman ku dibe hejmara rastîn gelekî ji ya hatî eşkerekirin zêdetir be.