
80 sal ceza li zarokê ji aliyê OSO'yê ve hat revandin, hat birîn 

2026-07-03 12:22:58


	&nbsp;

	NAVENDA NÛÇEYAN - Li Huseyîn Muhammed ê Rojavayî yê 15 salî ku ji bo fîdyeyê ji aliyê OSO ve hatibû revandin û piştre radestî Tirkiyeyê hatibû kirin, bi îdiaya berpirsê kuştina 3 leşkeran 80 sal cezayê hefsê hat birîn.

	&nbsp;

	Doza Huseyîn Muhammed ê ku di sala 2022’yan de li Bakur û Rojhilatê Sûriyeyê ji aliyê Artêşa Azad a Sûriyeyê (OSO) ve ji bo fîdyeyê hatibû revandin û piştre radestî Tirkiyeyê hatibû kirin, bi encam bû. &nbsp;Doza ku bi îdiayên OSO’yê hatibû vekirin û piştî Dadgeha Bilind ceza xera kir, li 2’yemîn Dadgeha Cezayê Giran a Rihayê hat lidarxistin. Dadgehê temenê Huseyîn Muhammed ji 18 salî biçûktir qebûl kir.

	&nbsp;

	Dadgehê daxwaza lêkolînê ya parêzeran red kir û Muhammed wek berpirsiyarê mirina 3 leşkeran dît û 80 sal cezayê hefsê lê birî.

	&nbsp;

	Li gorî nûçeya rojnameya Yenî Yaşamê Huseyîn Muhammed ê ku piştî radestî Tirkiyeyê hatibû kirin û niha li Girtîgeha Ewlehiya Bilind a Erzinganê tê ragirtin, bi îdiaya “sekvaniyê” yê ku bûye sedemê mirina 3 leşkerên Tirk tê sûcdarkirin.&nbsp;

	&nbsp;

	Piştî parêzeran serlêdan kir, hat qebûlkirin ku Muhammed 18 salî ye û daxilê kategoriya “Zarokê berledayî” (SÇS) kir. Piştî darzê, 2’yemîn Dadgeha Cezayê Giran a Rihayê ji ber mirina leşkerekî 24 sal bi giştî zêdetirî 72 salan ceza li Muhammed hatibû birîn.

	&nbsp;

	Lêbelê hat tespîtkirin ku li gorî belgeyên parêzerên Muhammed pêşkêşî dadgehê kirî, di dema bûyerê Muhammed 14-15 salî bûye.

	&nbsp;

	&nbsp;Berê Dadgeha Bilind cezayê berê betal kiribû û xwestibû ku raporên Saziya Tiba Edlî (ATK) û nexweşxaneyê yên têkildarî tespîta temen li hev were.&nbsp;

	&nbsp;

	&nbsp;