Ayşegul Dogan: Divê zimanê pêvajoyê çêker be

2026-04-16 15:59:56


	 

	ENQERE-Berdevka DEM Partiyê Ayşegul Dogan derbarê geşedanên di rojevê de li navenda giştî ya partiya xwe civîna çapemeniyê li dar xist.

	 

	Berdevka DEM Partiyê Ayşegul Dogan bi lêv kir ku ji bo pêşvêçûna pêvajoyê divê pêşniyarên rapora Komîsyona Meclîsê bibin qanûn û got ku divê gavavêtin bi derengî neyê xistin.

	 

	Berdevka DEM Partiyê Ayşegul Dogan derbarê geşedanên di rojevê de li navenda giştî ya partiya xwe civîna çapemeniyê li dar xist.

	 

	Ayşegul Dogan pêşî bal kişand ser êrişên li dijî dibistanan pêk tên û ji kesên hatine kuştin re serxeşiyê xwest û ji birîndaran re jî şîfa xwest. Ayşegul Dogan anî ziman ku li Tirkiyeyê jiyana tu kesan ne di ewlehiyê de ye û wiha got: “Li Tirkiyeyê rizîbûnek heye. Reva buna tundiyê, tundiya zarok dikin sedemên wê yên pir alî hene. Siyaseta dijberîbûnê, sepanên li dijî hiqûqî, revakirina tundiyê û gelek pirsgirêkên bi vê yekê re giredayî dibin sedemên bûyerên bi vî rengî. Berpirsên siyasî tu carî berpirsiya xwe qebûl nekirin. Helbet xurtkirina ewlehiyê girîng e. Lê ew tenê têr nake. Hê guherînên bingehîn pêwîstin. Divê hemû aliyên van bûyeran bên lêkolîn kirin û kesên ji aliyê siyasî û hiqûqî vê berpirsyariya wan heye hesep bide. Weke DEM Partî ji bo amadekirina raporê û parvekirina êşa weltiyên me şandeyeke me çûn Mereş û Rihayê. Her wiha ji bo di meclise de komîsyoneke lêkolînê be ava kirin biryarek derket. Ew jî girîng e. Her wiha em mafê xwepêşendanên welatiyên li dijî vê bûyerê dikin û divê bariyên li pêşiya xwepêşandanan jî bên rakirin.”

	 

	‘Divê bersûc bên cezakirin’

	 

	Ayşegul Dogan destnîşan kir ku divê kuştina bi guman a Gulistan Doku, Rojîn Kabaîş û Narîn Guran û hemû jinan bên ronîkirin û bêrsûc bên cezakirin. Ayşegul Dogan anî ziman ku divê bûyer di tariyê de nemînin û werin ronîkirin û kujer werin lêpirsînkirin. Ayşegul Dogan bertek nîşanî biryara girtinê ya parêzer û siyasetmedar Sezîn Uçar jî da û xwest desthilat dev jî sepanên dijhiqûqî berde.

	 

	‘Ji bo aştiyê divê gav bên avêtin’

	 

	Ayşegul Dogan derbarê civînên DEM Partiyê ku hefteya bihûrî pêk anîbûn de jî diyar kir ku wan di civînê de pêvajoya Aştî û Civaka Demokratîk û geşedanên di rojevê de nirxandine û nîqaş kirine û wiha axivî: “Em di civînên xwe de li ser şerê Rojhilata Navîn rawestiyan. Ev şer şerê hezên emperyalîst e. Ev şer bandoreke mezin li ser jiyana welatiyan dike. Em jî weke DEM Partiyê dibêjin ne şer heta aştî nebe li tu welatan aramî pêk nayê. Li Tirkiyeyê jî divê ji bo aştiyê êdî gav bên avêtin. Neçareserkirina pirsgirêka Kurd, krîza aborî, civakî û ekolojî û hemû qadên jiyanê kûrtir dike. Em jî dibêjin ku edalet nebe aramî nabe. Lê aştî nebe tiştek nabe. Ji bo wê jî têkoşîna aştî ji têkoşîna demokrasiyê ji hev qut nîn in. Ji bo wê jî têkoşîna hevpar a bi hezên demokratik re ji bo me ne tenê hewcedariyeke di heman demê de regezeke.”

	 

	‘Divê pêşniyarên raporê bibin qanûn’

	 

	Ayşegul Dogan bi lêv kir ku tevî di ser rapora hevpar a Komîsyona Meclîsê de 2 meh derbas bûne jî ji bo çêkirina qanûnan tu xebat nayê kirin û wiha got: “Divê xebatên çêkirina qanûnan demildest bên kirin. Civak li benda derxistina qanûnan e. Di rapora komîsyonê de jî dibêje; ‘Ji bo endamên rêxistinê çekên xwe deynin, divê qanûnên pêwîst bên çêkirin’ lê ji bo vê yekê tu xebat tune ye. Lê weke ku ev yek di raporê de tune ne nîqaşên ji aliyê partiyên siyasî ve tên kirin li ser pêvajoyê fikaran çêdike. Armanca firêhkirina qada demokratik û çareseriya demokratik a pirsgirêka Kurd e. DEM Partî ji bo hemû welatiyên rastî cihekariyê tên ditêkoşê û dibêje divê hemû pirsgirêk bi rêya diyalogê bên çareserkirin. Divê zimanê pêvajoya Aştî û Civaka Demokratîk erênî be. Zimanê ku gav naveje, pêvajoyê dixe xetere fayde nade pêvajoyê. Divê hemû kes dev jî vî zimanê berê berde. Pêwistiya me bi zimanekî erênî û nû heye. Heke em dixwazin aştî pêk were hewcedarî bi gavên şênber ên bi wêrek heye. Ji bo wê jî divê pêşniyarên raporê bibin qanûn. Di partiya me de em hemû kes yek in. Em kategorîzekirina; ‘Yên baş, yên xirab û yên erênî û yên neyînî’ rast nabînin û li dijî vê kategorîzekirinê û divê tu kes vê yekê neke.”

	 

	Ayşegul Dogan anî ziman ku daxwazên aştî, ked û edaletê di heman cihî de disekinin û ji bo 1ê Gulanê Cejna Karker û Kedkarên Cîhanê bang li gel kir ku li qadan daxwazên xwe bilind bikin. Ayşegul Dogan li ser pirsa kongreyê jî da zanîn ku niha di rojeva wan de kongre tune ye.