
Dê bibin kirdeya aştiyê'  

2026-05-23 09:07:14


	&nbsp;

	Melîke Aydin

	&nbsp;

	STENBOL - Ferîde Eralp got nakokiya herî mezin a di pêvajoyê de tê jiyîn di navbera pergala serdest a mêr û xeta azadiya jinê de tê jiyîn û got wê jin destûrê nedin pergala serdest.

	&nbsp;

	Înîsiyatîfa Jinan a Pêdiwiya Min bi Aştiyê heye, li her derê Tirkiye û Kurdistanê bi hemwext bi dirûşmeya "Em di aştiyê de israr dikin" daxuyanî dan. Di daxuyaniyê de 5 daxwazên esas hatin rêzkirin û hat diyarkirin ku ew di têkoşîna li dijî serdestiya mêr de têkoşîna azadiya aştiya civakî de israr dikin. Endama Înîsiyatîfê Ferîde Eral der barê mijarê de axivî û got divê pêvajoya aştî û wekheviya zayenda civakî bi hev re bê dest girtin û got divê jin wek kirdeya aştiyê li ser maseyê cih bigirin.

	&nbsp;

	Ferîde Eralp da zanîn ku li cîhanê hikûmet û dewlet xwedî projeya desthilatdariyê ne û got: “Tu kes aştiyê bexş an jî diyarî nake. Li welatê me jî wisa ye. Li welatê me jî desthilatdariya ku li ser xetên fayê ya civakî hatine avakirin hene.

	&nbsp;

	Nakokiya herî mezin...&nbsp;

	&nbsp;

	Ferîde Eralp di berdewamiya axaftina xwe de daxuyakirin ku nakokiya herî mezin di navbera pergala serdest ya mêr û xeta azadiya jinê de ye û wiha domand: “Ji ber şertên global, herêmî û jepolîtîk &nbsp;hewce bi maseyek wisa hatiye dîtin û pêvajo hatiye destpêkirin. Ji bo aştiyeke mayînde, em kesên têkoşînê dimeşînin, xwedî berpirsyarine. Em dinêrin jin ji aliyê serdestiya mêr ve di bin zextê de tên girtin û ev jî wek xeta fay a esas dertê pêş e.”

	&nbsp;

	‘Em pêşerojê nabînin’

	&nbsp;

	Ferîde Eralp daxuyakirin ku di pêvajoya li Tirkiyeyê de ne tenê bêparbûna demokrasiyê, êrîşên li hember destkeftiyên jinan jî zirarê didin zemîna aştiyê û wiha vegot: “Di her derfetê de desthilatdarî çav berdide mafên jinan yên aborî, nefeqeyê û yên din. Ji ber vê jî em jin dibêjin ku divê jin bibin kirdeya aştiyê. Niyet ame tune ye ku em pêvajoyê ji konsensura mêran re bihêlin.”

	&nbsp;

	Ferîde Eralp di dawiya axaftian xwe de balkişand ser polîtîkayên şerê taybet û zirxa bêcezahiştinê û da zanîn ku divê li seranserê Kurdistan û welat zirxa bêcezahiştinê ya der barê peywirdarên cemawerî de tê girtin, bê şikandin û bi sûcên zayendî yên ku unîformayî pêk tînin re bên rû hev.&nbsp;

	&nbsp;