Hemverê cigêrayîşê zitî de OHD’yî ra broşurê agahdarî 2025-06-17 12:26:10     RIHA - Hemverê cigêrayîşê zitî yê hemverê merdimê tepişteyan, OHD'yî broşûrêk agahdarî amade kerd. Endama OHD'yî ya Rihayî Dîcle Aksu, dîyar kerd ke ê do broşûr keyeyan ra vila bikerê û va: "Armanc kenê ke hemverê binpaykerdişê bêqanûnî yê hemverê heqê merdiman îqaz bikerê."    Raporo ke hetê Komeleya Huqûqnasê Azadîye (OHD) yê Rihayî ra derheqê cigêrayîşê zitî de ame amadekerdiş de ame dîyar kerdiş ke merdimê tepişteyan mecbûr mendê ke pêro cilê xo vejê. No zî cîyayîya cinsî û helwestêk cinsperest ame şîrovekerdiş.    OHD, derheqê babete de broşurêk amade kerd. Derheqê babete de endama OHD'yî ya Rihayî Dîcle Aksu ajansê ma JINNEWS'î rê qisey kerd.    Muracatê keyeyan   Dîcle Aksu dîyar kerd ke ê kerdişan şermêzar yê gerreyê merdimanê tepişteyan muracat kerdê û va ke ê hetê tu sazgehan ra cewab nêgirewtê û wina dewam kerd: "Ma verê zî zaf rey gerreyê wina girewtî. Gerre û gazincê yê dewamdar seba gêrayîşê zitî, gêrayîşê fekî û pawîtiş estbî û ma şîyîme ê raporan. Ma cayê ke lazim bî agahdarî da. Ma veng da înan ke nobedarî bikerê, la her sazgehî yan rêxistinî waştişanê ma rê cewab nêda. Netîceyê qiseylerdişanê ke ma îdarekeranê zîndanî reyde kerdî, ê vatî ke sucê înan çin o û ê qanûn bica anê. Tayê zî qebul nêkerdî ke gêrayîşê zitî yan gêrayîşê fekî yeno kerdene. Nika firsedê ma çin o ke ma nê belgeyan awan bikê, ma tena bi îfadeyanê gerreyan girêdaye bî. Wexto ke ma hetê înan ra waşt ke vîdeoyanê kamerayî bîyarê, ê vatî ke nêeşkenê nê bikerê."   Gêrayîşê Keyfî   Dîcle Aksu ke gerreyê xizmetê tepişteyan arde ziwanî, dîyar kerd ke prosesanê peyênan de gerreyê înan zêde bîyî û wina dewam kerd: "Wexto ke ê seba zîyaretî şênê yan ramîyenê, gêrayîşê zaf hîra û keyfî yenê kerdene. Yan zî ê mecbur benê ke zaf erey pawe bimendêne vernîya zîyaretî de, nimûne, seba zîyaretî saete 13:00 de veng danê la zîyaret raştî de saet 15:00 yan 15:30 de yo. Ê mecbûr benê ke 1 saet yan 2 saetan pawe bimanê."   Bi broşur hetkarî   Dîcle Aksu dîyar kerd ke ê bi broşûrê ke awan kerdî xîzmetê tepişteyan de agahî dayî û va: "No broşûr perse kena ke heqê kesan çi yê? Wexto ke ê zîyaretê keye û xîzmetê xo kenê, kam babetî eşkenê bêrê gêrayene û kam nêeşkenê bêrê gêrayene. Ma waşt nê tayê şefaf bikê. Kam rewşe de ê eşkenê şima bigêrê, kam şertan de nêeşkenê bêrê gêrayene, yan eke şima qebul nêkenê ke bêrê gêrayene proses senî aver şino. Ma nê bingehî ser broşûr sey nimûne açarnayî û nuşteyê açarnayoxî awan kerdî. Ez hêvî kena ke no keyeyan rê hetkarî bikero. Ma do hewl bidê ke ê keyeyê ke şênê zîyaretî vila bikerê."   Ganî Qanûnê Mîyanneteweyî Bêrê Bicaardiş   Dîcle Aksu va ke nê kerdîşê keyfî eşkenê peynî bibê, eke qanûnê mîyanneteweyî bêrê bicaardiş, nê çî arde ziwanî: "Ma zanê ke binpêrberdişê heqan yê wina qetî nêbenê eke qanûnê mîyanneteweyî bêrê bicaardiş û kerdîşê keyfî do biqedîyo eke ê binê kontrolêk başî de bêrê dayîş. Nê problemî eşkenê bi kontrolêko baş û bi rayîrê ardişê înan goreyê qanûnî bêrê çareserkerdiş."