‘Ma aştîyêke ekolojîk wazenê’ 2025-06-18 10:53:48   Gulistan Gulmuş   AMED - Delal Ozbey bale ant armancê awankerdişê Meclîsê Ekolojîye yê Bajarê Amedî ser û dîyar kerd ke qirkerdişê ekolojîk bi texrîbatê pîlan dewam keno. Delal Ozbey wina dewam kerd: “Ma do dewe bi dewe, qeza bi qeza şarî dir bêrê têhet û hemverê talanê xoza de têkoşînê xo berz bikerê û pîl bikerê.”   Hemverê qirkerdişê ekolojîye Meclîsê Ekolojîye yê Amedî bi sloganê ‘bêcuya ekolojîke aştî pê nîna’ Meclîsê Ekolojîya Bajarî ya Amedî îlan kerd. Meclîsê ekolojîye yê Bajarî hedef keno ke vernîya texrîbatê xoza bigîra.   Endama meclîsê ekolojîye Delal Ozbeye derheqê xebat û armancê meclîsî de qisey kerd.   ‘Meclîsê Ekolojîye yê Amedî ame awankerdiş’   Delal Ozbey dîyar kerd ke Amed de texrîbatê-eko zêde yo û wina va: “Tu dewêke petrol, maden, GES, HES nêkewto nêmenda. No meclîs bi armancê têkoşînê hemverê nê texrîbatî de bikero, ame awankerdiş. Meclîsê Ekolojî yê Amedî 2013ine de amebi awankerdiş. La dimayê 2017î faliyetê aktîf nêkerd. Prosesê neweyî dir Meclîsê Ekolojîye yê Amedî ame awankerdiş. Kombîyayîşê ewilî 15ê hezîrane de kerd. Bi tewrbîyayîşê 120-130 kesî meclîs ame awankerdiş.”   Do dewijî zî ca bigîrê   Delal Ozbey dîyar kerd ke do no meclîs bi koordînasyon bo û wina va: “Koordînasyon de do têduştîya cinî û camêrdî bibo. Do no meclîs xebatanê xo sey akademî û rêxistibîyayîşî bikero. Ma hedef kenê ke akademîya hempar awan bikerê. Ma wazenê wina bikewê prosesê awankerdişî. Texrîbatê dewan ser o tesîr ma hemînan ser o keno. Netîceyê texrîbatî zaf ê. Înan ra tewr zaf yê ke tesîr benê, şarê herêmî yo."   'Vengdayîşê aştî û komelê demokratîkî bi qîmet o'   Delal Ozbey dîyar kerd ke vengdayîşê "aştî û komelê demokratîkî" yê ke Rayberê Şarê Kurdî Abdullah Ocalan 27ê Sibate de kerd, muhîm o û wina dewam kerd: "Badê nê vengdayîşî ma eşkenê vajê ke seba nê prosesî gamêke amî eştiş. Ma nêeşkenê vajê proses tam dest pêkerd la gamêka muhîm ame eştiş. Na game muhîm a. La hîna seba polîtîkayê emnîyetî texrîbatê ekolojîkî dewam kenê. Heta gamêke hetê dewletî ra nêro eştiş, têkoşînê ma do dewam bikero. Ma dew bi dewe, qeza bi qeza do xebatanê xo dewam bikê. Ma aştîyêka ekolojîk kenê. Ma têkoşînî do hîna gird bikê. Ganî her kes Meclîsê Ekolojî yê Amedî de ca bigîro."