
Dayîkê Şemeyî: Wa edalet pê bêro 

2025-06-21 14:57:29


	&nbsp;&nbsp; &nbsp; &nbsp;

	&nbsp;

	STENBOL - Dayîkê Şemeyî aqûbetê Mustafa Saygi ke 31 serrî verê destbendkerdiş de ame vînîkerdiş persayî û nê vengdayîşî kerdî, "Wa zirxê bêcezatî bêro wedaritiş, wa edalet pê bêro."

	&nbsp;

	Dayîkê/Merdimê Şemeyî hewteyê 1056ine yê çalakîyê xo de Meydanê Galatasarayî de, cayê pêvînayîşê xo de ameyî têhet ke aqûbetê merdimanê xo yê destbendkerdişî de ameyî vînîkerdiş û kiştiş bipersê û waştişê xo yê edaletî bîyarê ziwan. Çalakîya no hewteyî de, aqûbetê Mustafa Saygi ke 31 serrî verê destbendkerdiş de ame vînîkerdiş, persayî. Çalakîya ke hetê xeylêk pawitoxê heqê merdiman ra destek dîya ci, fotografê kesê ke destbendkerdiş de ameyî vînîkerdiş û qerenfîlî ameyî girewtiş. Eşkerayîya çapemenîye hetê Îdareya Şubeyê ÎHD ya Stenbolî Jiyan Kaya ra ame wendiş.

	&nbsp;

	Çalakî dimayê eşkerayîye bi qerenfîlê ke meydanê Galatasarayî de ameyî ronayîş, peynî bî.

	&nbsp;