‘Semedo ke teber nêvînî hîrê perdan pê ser daliqnabî’ 2025-07-26 10:47:07   Şehrîban Aslan   MERKEZÊ XEBERAN - Cinîya ke bi serran o hetê mêrdeyo ke fek ci ra vera dabî şîdetê sîsmatîk û desteştişî dî, semedê asayîşî nameyê xo nêda û va: “Semedo ez teber nêvînî hîrê perde pê ser daliqnabî. Çîyê ke ez ciwîyaya zaf giran bî. Hema zî ez binê tesîrê ci de ya.”   Şîdetê cinîyan ser Tirkîya û Kurdistan de her ke şino zêde beno. Polîtîkayê bêcezaverdayîşî yê dewlete zî nê zext û şîdetî zêdeyêr keno. Cinîya ke nêwaşt nameyê xo bido 45 serrî hetê camêrdo ke fek ci ra vera daya rastê şîdetê sîstematîk û desteştişî amî. Cinîya ke nameyê xo nêda va, lajê xo yo ke tîryakî şuxilneno pîya ciwîyenê û va, asayîşê ganê înan çin o.   ‘Ez nêeşkayîne vejîya teber’   Cinîya ke nameyê xo nêda va, 20 serrî de zewiciyaya û wina va: “Hewteyêk ma temam nêbibi, şîdet kerd. Nêverda ez vejî teber û verê keyeyê xo. Digane bîya şîdet kerdêne. Nêverda ez vejî teber. Dayîka xo rê zî eynî çî kerdêne. Wexto ke şîdet bi mi kerdêne mi vatêne ez o xelas nêbî.”   ‘Kênaya mi zî 12 serrî zewicna’   Cinîya ke nameyê xo nêda dîyar kerd ke semedê şîdet bînaya psîkolojiya aye xira bîya û wina va: “Nêverdayîne ez şêrî keyeyê xo. Di birayê mi, babîyê mi, dayîka mi wefat kerd destûr nêda ez şêrî. Her tim şîdet kerdêne. Wayîrê tutanê mi nêvejîya. Kênaya mi 12 serrî semedê pereyî zewicna. Lajêk mi întîxar kerd. Ey aramî keye de nêverda. Mêrdeyê mi semedo ke ez teber nêvînî hîrê perde daliqnabî. Pereyo ke qezenc kerdêne, çî bînan rê xerc kerdêne. Mi xêrcê şîdetî tu çîyêk nêvîna. Pere, cil û belg û teber çî yo mi nêzanayîne. Mi dewaya veradayîşî akerd. Ez serkewta la çîyê ke nêameyî sereyê mi nêmend.”   Peynîya qiseykerdişê xo de bale ant serê lajê xo yê ke tîryakî şuxilneno û va: “Lajê mi tîryakî şuxilneno û şîdet bi mi keno. Mi semedê keyeyî cuya xo wêran kerd. La tu kesî paştdayîş nêda mi. Lajê mi tîryakî şuxilneno. Ez nêeşkena vernî padî. Her tim şîdet mimrê keno. Ez wazena lajê xo derman bikerî la îmkan çin o. Wa vernîya tîryakî padê.”