Hemverê eko-qirkerdişî 8 hezar îmza  

2025-08-08 15:31:26


	 

	 

	ŞIRNEX - Kampanyaya îmzeyan ê hemverê talankerdişê xoza û birnayîşê daran ê Şirnexî ame destpêkerdiş de, mîyanê 10 rojan de 8 hezar 200 îmza ameyî arêdayîş. 

	 

	Kampanyaya îmzeyan ê bi nameyê "Eko-qirkerdiş sûcê hemverê merdimayî yo" ke hetê Platformê Ekolojî yê Şirnexî ra 29ê temmuze de hemverê rijnayîşê xoza û birnayîşê daran ê bajarî ame destpêkerdiş, dewam keno. Semedê arêdayîşê îmzayan, merkez û qezayê Şirnexî standî ameyî ronayîş. Mabêne 29ê temmuze û 7ê tebaxe de bi pêroyî 8 hezar û 200 îmze ameyî arêdayîş.

	 

	Verfekê Platformê Ekolojî yê Şirnexî Adnan Şenbayram dîyar kerd ke kampanya bi serdayîşê taxe û keyeyan dewam kena û sipasîyê kesê ke destek danê kampanya kerd. Şenbayram dîyar kerd ke kampanya nika Elkê û Qilaban de dewam kena.

	 

	Îmzeyê ke ameyê arêdayîş do walîtî, Midûrîyê Daristanî yê Herême û meclisî rê bêrê şirawitiş.