Akademîsyena aştîye: Ma pey vatişê xo yê aştîye yê

2025-08-11 11:43:57


	 

	Melek Avci

	 

	ANQARA - Akademîsyena aştîye Yasemîn Ozgun va ke vizêrî zî ewro zî pey vatişê xo yê aştîye yê û va: “Sey cinî lazimîya ma bi aştî est a. Semedo ke çîyê ke ma cuya yê raste rast girêdayeyê şerî yê.

	 

	2016ine de akademîsyenan îmza eşt vilawika "Ma nêbenê hemkarê nê sûcî" û her çar hetê Tirkîya waştişê aştîye berz bikerê. Yew nê akademîsyenan Yasemîn Ozgun bî. Yasemîn Ozgune pêwa zextê cuye dest vatişê aştîye vera nêdayê.

	 

	Yasemîn Ozgun ke nika bi "Înîsiyatîfê cinîyan ê hewcedarîya mi bi aştîye est a" raywanîya xo dewam kena, derheqê prosesî de qisey kerd.

	 

	Yasemîn Ozgun bale ant têgêrayîşê aştîye ser o û va: “Me sey akademîsyenê aştîye  îmza eşt, ‘Ma nêbenê hemkarê nê sûcî’. Vernîya nê zî mi xebatê aştîye kerdibî. Wexto ke unîversîteya Anadolu ya Eskîşehîrî bîya meclîsê aştîye amebî awankerdiş. Mi hîn xebatan kenê. Ez endama Hewldayîşê Cinîyan ê Semedê Aştîye bîya. Çalakîyê hemdem ameyîne kerdiş. Ma bajaranê cîya xebate ameyîne kerdiş. Aştî rojeva ma de bî. Ez sey femînîst û zanista siyasetî, sey akademîsyenêke prosesî ra dûr nîya.”

	 

	‘Xebatan ra dûr nêmenda’ 

	 

	Yasemîn Ozgun wina va: “Ez çîyê ameyê ciwîyayîş dûr nêmenda. Hemverê şerî bêveng nêmenda. Ma semedê aştîye ya 2016ine îmza kerd. Do demê Amed, Sûr, Cizîr, Nisêbîn de caardişê bêmerdimayî estbî. Ma kampanyaya îmza da destpêkerdiş û ma waşt ma vengê xo bidê eşnawitiş.”

	 

	‘Eleqeyê semedê kampanyaye zaf pîl bî’

	 

	Yasemîn Ozgun bale ant serê îmza wina va: “No çîyêk pîl nêbi. Heta hînan vatî şima tena eşkenê îmzeyan kom bikerê. Belkî zî heqdar bî. Ganî zêdeyêr biameyîne kerdiş. Ma hawirê zext û şîdetêk pîl de bî. Bêçaretîyêk pîl est bî. Eleqeyê semedê kampanyaye zaf pîl bi. Semedê ameyîne waştiş ke veng hîna zêdeyêr bêro berzkerdiş."

	 

	‘Ma xeylêk çalakî û bername pê ardî’

	 

	Yasemîn Ozgun tewr peyîn wina va: “Hewldayîşê cinîyan ê semedê aştîye mabêne 2013-2015ine de zî xebatê xo kerdî û semedê aştîye hewl dayî. Ma bi waştişê ke cinî prosesî de ca bigîrê vejîyayî nê rayîrî.  Ma va, ganî proses wina dewam bikero. Ma xeylêk xebate, pêvînayîş, rapor amade kerd. Înîsiyatîfê Cinîyan ê Hewcedarîya Min bi Aştîye est a zî çend aşmî vernîya eşkerayîya Devlet Bahçelî dest pêkerd. Serê muhîmî û manaya aştîye ma sey cinîyan va, ganî ma newe ra bêrê têhet û têkoşîn bikerê. Ma xeylêk çalakî û bername pê ard. Bajarê cîya de no dewam kerd. Hema zî dewam keno. Ma verê meclîs de çalakîyêk pê ard. Dima ra 10 bajaran de bi armancê protestokerdişê qirkerdişê elewîyan ma bi hawayêk hemdem çalakî pê ard.”