Hemverê hezar dejî yew waştiş: Aştîye 

2025-12-19 09:30:23


	 

	Neslîhan Kardaş

	 

	ŞIRNEX - Ayşe Buruntekîn qedexeyê vecîyayîşê teberî yê Sîlopiyayî de bi pitikê xo yê 6 aşme hedef ameye girewtiş û ameye qetilkerdiş. Cenazeya Ayşe Buruntekîn hewteyêk keye de verê tutê aye de ame vindarnayîş. Kênaya Ayşe Buruntekîn Hatîce Buruntekîn wina va: “Sîlopiya de ê demî zaf dayîkî ameyî qetilkerdiş. Zaf babî ameyî qetilkerdiş. Bi desine Rustemî bêdayîk mendî. Labelê pêwa pêro çî ma aştîye û azadîya serekîya xo wazenê.”

	 

	Cizîr û Sîlopîya yê Şirnexî de 14ê kanûna 2015ine de qedexeyê vecîyayîşê teberî ame îlankerdiş. Qedexeyê ke bi aşman dewam kerdî de zaf merdimî ameyî qetilkerdiş. Bi seyan merdimî bodruman de ameyî qetilkerdiş. Verê beran de cinî û tutî ameyî qetilkerdiş. Yew a kesan ra ameye qetilkerdiş Ayşe Buruntekîn bî. Ayşe Buruntekîn 20ê kanûna 2015ine de Sîlopîya de verê keyeyê xo de hetê polîsanê taybetîyan ra hedef ameye girewtiş. Tutê aye Rustem sax mend la dayîke dinyaya xo bedelnaye. Keye cenaze bi hawayêk kuçe ra girewt labelê bi rojan keye de verê tutê aye de ame vindarnayîş.

	 

	9 tutê Ayşe Buruntekîne est ê. Ya tewr girde Hatîce Buruntekîn ê demî de 19 serre bî. O tewr qij zî 6 aşme bi. Hatîce Buruntekîn da zanayîş ke dimayê dayîka aye pêro mesûlîyet milê aye ser o mendo.

	 

	Hatîce Buruntekîn wina va: “Dayîka mi semedê ke birayê mi rê şit bigîro vecîya teber. Verê berî de ameye qetilkerdiş. Cenazeya aye verê berî de bî. Ma nêeşkayîne bigîrê. Ma tersan ra nêeşkayîne vecîyê teber. Guleyî ameyîne varnayîş. Nêverdayî ez şêrî dayîka xo bigîrî. Dima ra cenaze ardî keye. Ewilî vatî birîndar a. Rustem hema qij bi. Mi dayîka xo kerd verike xo labelê dayîka mi merdbî.”

	 

	‘Birayê mi semedê şitî bermayîne’

	 

	Hatîce Buruntekîn wina qal kerd: “Birayê mi semedê şitî bermayîne. Ver bi cenazeya dayîka mi de şîne. Cicikê aye akerdêne. Bermayîne. Birayê mi bi şewe û roj bermayîne. Ma zaf çî ciwîyayî. Her serre aşma kanûne de ma eynî çî ciwîyenê. Sûcê dayîka mi çin bî. 9 tutê aye estbî. Rustem qij bi bermayîne. Rustem emanetê dayîka mi bi. Demo ke cenazeya dayîka mi kuçe de bî ma her cayî gêrayî. Labelê tu cewab nêdayî. Her cayê kuçe û cadeyan ablûqa kerdêne.”

	 

	‘Pêwa dejê ke ma antê ma aştîye wazenê’

	 

	Hatîce Buruntekîn dîyar kerd ke dejê ke înan ciwîyayê tu cayê dinya de nêameyê ciwîyayîş û wina peynî ard: “Pêwa pêro çî ma aştîye wazenê. Ma her tim hetê aştîye de yê. Wa aştîye bêro ca û serekê ma bêro azadkerdiş. Ma azadîya serekê xo wazenê. Sîlopiya de ê demî de zaf dayîkî ameyî qetilkerdiş. Zaf babî ameyî qetilkerdiş. Bi desine Rustemî bêdayîk mendî. Labelê pêwa pêro çî ma aştîye û azadîya serekîya xo wazenê.”