
UNICEF: Hêrişan de tewr tay 33 tutî ameyî qetilkerdiş

2026-04-10 15:01:42


	&nbsp;

	MERKEZÊ XEBERAN - Goreyê dayeyê UNICEFyî, hêrişanê Îsraîlî yê Lubnanî ser de bi desine tutî dinyaya xo bedelnayî. Krîzê merdimayîye welatî kûr bena.

	&nbsp;

	Hêrişê Îsraîlî yê roja çarşemeyî ke herêmê cîyayê Lubnanî de kerd, tewr tay 33 tutî dinyaya xo bedelnayî, 153 tutî zî birîndar bîyî. UNICEFyî neql kerd ke hêrişan tesîrêk giran û rijnaye tutanî ser o kerd.

	&nbsp;

	Goreyê eşkerayîye, 2ê adare ra nata welat de zêdeyêr 600 tutî dinyaya xo bedelnayî yan zî birîndar bîyî. Sewbîna zêdeyêr milyonêk merdimî cayê xo ra bîyî ke yeno vatiş 390 hezar înan ra tutî bî.

	&nbsp;

	UNICEFyî bale ant huqûqê merdimayîye yê mîyanneteweyî û dîyar kerd ke sivîlî, bi xususî tutî ganî mîyanê her şertî de bêrê pawitiş.

	&nbsp;

	Goreyê çimeyê weşîye, hêrişanê roja çarşemeyî de bi pêroyî 303 kesî dinyaya xo bedelnayî.​​​​​​​​​​​​​​​​

	&nbsp;