
Bernameyê ‘Mitîngê Azadîye’ dîyar bî

2026-06-16 14:40:22


	&nbsp;

	MERKEZÊ XEBERAN - Bernameyê "Mîtîngê Azadîye" ameyî eşkerakerdene ke do bi waştîşê azadîya Rayber Apoyî 27-28ê Hezirane de Amed, Stenbol, Wan û Mersîn de bêrê caardene.

	&nbsp;

	Bi waştîşê azadîya Rayber Apoyî, "Mîtîngê Azadîye" do 27 û 28ê Hezîrane de Mersîn, Wan, Stenbol û Amed de bêrê caardene. Mîtîngî do bi sloganê “Bi cimatê demokratîk ver bi azadîye” û “Bi Serekîya azade ver bi cimatê demokratîk” pê bêrê. Qiseykerdox û hunermendê ke tewrê mîtîngan bênê, dîyar bîyî.

	&nbsp;

	Mersîn

	&nbsp;

	Mîtîngê Mersînî do 27ê Hezîrane de qezaya Yenîşehîrî de Baxçeyê Miletî de bêro caardene. Hemsereka Pêroyî ya DEM Partî Tulay Hatîmogûllarî û Çetîn Arkaş do mîtîng de qisey bikerê. Hunermendî; Eylul Nazlıer, Ronî Artîn û Arhat zî do veciyê sehneyî ser û hunerê xo bimojnê.

	&nbsp;

	Wan

	&nbsp;

	Eynî roje do Meydanê Newrozî yê Wanî de mîtîng bêro caardene û Hemserekê Pêroyî yê DBPî Keskîn Bayindir û aktîvîsta TJA’yî Sebahat Tûncel tede qisey bikerê. Çarçewaya mîtîngî de do Koma Amed û hunermend Simyager û Beser Şahîn veciyê sehne ser.

	&nbsp;

	Stenbol

	&nbsp;

	Mîtîngê Stenbolî do 28ê Hezîrane de Meydanê Bagcilarî de saete 16:00 de dest pêbikero. Hemserekê Pêroyî yê DEM Partî Tûncer Bakirhan û verfeka partî Ayşegul Dogan do mîtîng de qisey bikerê. Bernameyê hunerî de zî koma Agirê Jiyan û hunermend Tara Mamedova est ê.

	&nbsp;

	Amed

	&nbsp;

	Mîtîngê Amedî zî do 28ê Hezîrane de saete 17:00 de Meydanê İstasyonî de pê bêro. Hemsereka Pêroyî ya DBPî Çîgdem Kiliçgun Ûçar û Veysî Aktaş do mîtîng de qisey bikerê. Hunermend Pınar Aydınlar, Kadir Çat û Serhedo do hunerê xo pêşkêş bikerê.

	&nbsp;