Pêvînayîşanê Peyasî de dewan de şayî 

2026-06-26 11:31:28


	 

	AMED - Rezeçalakîyanê “1ine Pêvînayîşê Peyaseyî” yê ke hetê mudirêyê Şaredarîya Peyaseyî ra taxan û dewanê girêdayeyê qezayî de yenê organîzekerdiş, na rey bi dewa Sultantepeyî de pê ame. Pêvînayîş de semedê tutan kay û çalakîyanê cîyayan, semedê cinîyan kargeh û kontrolê weşîyeyî yê pêroyî û semedê pirî û kalan û astengdaran zî xizmetê ewnîyayîşê kesan ameyî pêşkêşkerdiş.

	 

	Pêvînayîşanê ke hetê şeş Mudirêyanê Şaredarîye ra bi sloganê “1ine Pêvînayîşê Peyaseyî” yenê organîzekerdiş, na rey şayî û pêvînayîş dewa Sultantepeyî de ame kerdiş. Şayîya ke meydanê dewe de ame organîzekerdiş de tutî kay kerdî û bi çalakîyanê cîyayan kêf kerdî. Cinîyan kîsikanê qumaşî ser o neqş viraştî. Eynî wextî de kontrolê weşîye yê pêroyî ke pêmawitişê şekirê gonî û tansîyon zî estbî ame kerdiş û semedê welatijanê astengdaran û pirî û kalan zî xizmetê ewnîyayîşê kesan ame pêşkêşkerdiş.

	 

	Şaredarî do temamîya hamnanî de eynî pêvînayîşan 26 taxan û dewanê qeza de organîze bikero.