Namzedê cinîyê Erziromî do meclîs de sîyaset dewam bikerê 

2018-06-03 11:12:26


	 

	ERZIROM - Namzeda rêza diyîn a Eziromî ya HDPî Zelîha Dundare 20 serrî yo ke bi hawayêke aktîf sîyaset de ya. Xo amade kens ke cinîyê Erziromî meclîs temsîl bikerê.

	 

	Namzedê cinî yê HDPî bi ruhê seferberî xebatan meşnenê. Namzeda rêza diyîn ê Erziromî Zelîha Dundare, 20 serrî yo bi hawayêke aktîf siyasetî de ca gêna û Tekmanê Erziromî de ameya dinya. Zelîha keyeyêke welatperwer de ameya dinya û beşa Têkilîyê Şarî ra mezûn bîya. Dimayê komployê mîyanneteweyî hemverê rayberê PKKî Abdullah Ocalanî bi hewayêke aktîf sîyaset de ca girewta. Zelîha wina va: “Tepiştiş û ardişê ey yê Tirkîya mi bi kur de bandure kerd. Ez bi hewayêke aktîf beşdarê partî bîya. Seba ke o lîderê şarî bi."

	 

	Bi HADEPî dest bi sîyaset kerde

	 

	Zelîha da zanayîş ke bi azadbîyayîşê cinîyan dir komelî eşkenê azad bibê û nê çî ardî ziwan: "Mi prosesê 1999 de HADEP nas kerd. Mi îdare de ca girewt. Erzirom de beşdarbîyayîşê cinîyan zaf kêm bi. Felsefeyê HADEPî o bi ke tewr zêde cinî beşdarê sîyasetî bibê. Esasê mi zî wina bi û ez xeylê kademeyê partî de xebityawa. Ez di serrî hepisxane de menda. Mi dîplomasiyê KCDî de ca girewt. 2003 de mi sey namzeda parlamenterîya DEHAPî yê Erziromî de wezîfe girewte." 

	 

	‘Erzirom sey verê nîyo'

	 

	Zelîha da zanayîş ke yewin amancê înan a ya ke bajarê Erziromî bi hawayêke tewr baş temsîl bikerê û wina va: “Erzirom bajarêke xeylê nasnameyê cîya têhet cuwîyenê yo. Esasê xo de mintiqayêke nîjadperest, feodal ya zî muhafazakar nîyo. Gorey verê xeylê aver şîyo. Ez bawer kena ke ma do bi dayeyêke pîl ê rayan serkewte bibê."

	 

	'Ganî cinî sere wedarnê'

	 

	Zelîha tewr peynî qiseykerdişê xo de îhlalkerdişê heqan ê vera cinîyan qalî kerde û nê çî vatî: "Cinî benê cinîyê diyîn, benê berdêl, emrê qij de yenê zewicnayîş, rastê şîdet û îstîsmarî yenê. Ma do meclîs de hemverê nê têkoşîn bikerê. Do serewedartişê cinîyan şorişê cinîyan bi ca bîyarê."