Nazlican Nûjîn Yildiz

 

ÎZMÎR - Bi wesîleya çarine serrgêra qetilkerdişê Denîz Poyraz, dayîka aye Fehîme Poyraz qisey kerd û dîyar kerd ke semedê aştî pêk bêro, ganî kiştoxê Denîz Poyraze bêrê vînayîş û hesab şikdaran rê bêro perskerdiş.

 

Qetilkerdişê Denîz Poyraz ke 17ê hezîrana 2021ine de hêrişê şikdar Onur Gencerî yê hemverê awanîya Partîya Demokratîke ya Şaran (HDP) ê Îzmîrî de amî qetilkerdiş, 4 serrî derbaz bî. 6ine roniştişê dewa ya 27ê kanûna 2022ine de ame vînayîş de şikdar Onur Gencer sûcê ‘kiştişê kesan ê plankerde’ cezaya muebetê giran, sûcê ‘zirar dayo malî’ 4 serrî,‘binpaykerdişê destnêdayîşê awanî’ 2 serrî û sûcê ‘muxalefetê qanûnê çekan’ 3 serrî ceza amebî birnayîş. Avûkatê keyeyê Denîz Poyraze semedê têkiliyê şikdar ê rêxistinan dir, wezîfedarê îstîmlakî yê qirkerdişî dir zemîn hazir kerdî bêrê cigêrayîş dewa akerdibî.

 

Dayîka Denîz Poyraz, Fehîme Poyraz bi wesîleya serrgêra qetilkerdişê Denîz Poyraz de qisey kerd û bale ant serê vengdayîşê Rayberê Şarê Kurdî Abdullah Ocalanî û va, semedê pêameyîşê aştîye ganî şikdarê ke Denîz Poyraz qetil kerdî, bêrê vînayîş û hesab ci ra bêrê perskerdiş. Fehîme Poyraz dîyar kerd ke pêwa her çî ê vanê aştî û va, semedo ke proses dewam bikero, ganî Abdullah Ocalan azad bibo.

 

‘Ma azadîya serekê xo wazenê’

 

Fehîme Poyraz wina va: “Hedîse ser o 4 serrî derbaz bî la dejê ma hema teze yo. Ma tu wext xo vîr ra nêkenê. Vengdayîşê Birêz Ocalanî muhîm o. Ma azadîya serekê xo wazenê. Ma aştîye wazenê. Ma nêwazenê tu kes bimiro. Ez wazena ke kiştoxê kênaya mi bêrê vînayîş û hesab bêro perskerdiş. Dewlete zî vana aştî la hêrişan dewam kena. Ma nêwazenê gonî birijîyo.”

 

‘Ganî raştî vejîyê werte’

 

Fehîme Poyraz tewr peyîn wina va: “Şikdarî ra vatî ‘çîyêk to est o?’. Vera ke ma ra bipersê, ey ra pers kerdî. Eke aştîye biwazê ganî vernê de ‘kiştoxê Denîze kam o’ bêro perskerdiş. Tena Denîze nê, bi seyan tutê ma sey Denîze şehîd kewtî. Ma wazenê nê ser de vinderê. Wa sebebê qetilkerdişê Denîze bêro perskerdiş. Ma aştîyêke zerrî ra wazenê. Ganî tepişteyê nêweşî bêrê veradayîş. Semedê aştîyêke bi rûmet ganî nê bica bêrê. Hêvîya ma serekê ma yo. Ez venga pêro kesan kena ke tewrê yadkerdişê serrgêra Denîz Poyraze bibê. Ma wayîrê yewbînan bivejîyê. Ma bibê yew. Eke ma bibê yew do tu kes nêeşko vernîya ma pado.”