NAVENDA NÛÇEYAN - Karwanê şeşemîn ê koçberên gundewarên Serêkaniyê, Til Temir û Zirganê amadekariyên herî dawî yê vegerê dikin. Tê payin ku karwan îro vegere warê xwe.

 

Zêdetirî 640 malbatên koçberên Serêkaniyê yên ku li Kampa Newroz û li Kampa Serêkaniyê dimînin, di nava karwana şeşemîn de amadekariyên vegera cih û warên xwe yên resen dikin, karwan îro bi rê dikeve.

 

Her du kamp ji malbatên koçber ên ji Serêkaniyê, gundewarên Til Temir û Zirganê pêk tê, duh (20 Cotmeh) malbatên li Kampa Newroz a bajarê Dêrikê ji bo ku tevlî karwanê bibin berê xwe dane Kampa Waşûkanî ya li bajarê Hesekê.

 

Di vê karwanê de malbatên ji gundewarên Serêkaniyê, Til Temir û Zirganê cih digirin, di karwanê de şêniyên resen ên bajarê Serêkaniyê tune ne.