RIHA - Semedê Halîl Bîlîkî yê Riha de semedê tacîzê cinsî yê hemverê tutêke ameyîne muhakemekerdiş, qerarê beraetî ame dayîş. 

 

Roniştişê dewaya Halîl Bîlîkî wextê qezaya Kaniya Xezalan ê Rihayî muftîtî kerdêne, semedê tacîzê cinsî yê hemverê tutêke 12 serrî ameyîne muhakemekerdiş, ewro dewam kerd. Roniştişê 7ine ê dewa 10ine Dadgeha Cezaya Giran ya Rihayî ame kerdiş. Halîl Bîlîk, beşdarê roniştişî nêbî. Avûkatê versuc û endamê Komeleya Paştdayîşê Cinîyan ê Yaşamevî û avûkatê Komeleya Huqûqnasê semedê Azadîye (OHD) roniştiş de hazir bî. 

  

Dozgerî bi sebebê “îstîsmarê cinsî” ceza Halîl Bîlîkî rê waşt. Avûkatê keyeyê tute Arkin Hurtaş zî va: “Ma tewrê mutalaayî benê. Ma wazenê cezaya tewr giran ci rê bêro birnayîş." Avûkatê Bîlîkî, Hamdî Dîrîer zî semedê tutê ke çarçewaya dosya de îfadeyê înan amebî goşdarîkerdiş îdiayê “îftîra kenê” kerd. Avûkatê bîn yê Bîlîkî, Mehmet Ay zî va, ganî tena îfadeyê mexdûrî esas nêrê girewtiş.”

 

Dadgehe semedê Halîl Bîlîkî qerarê beraetî da.