Memîhan Zeydan

 

WAN - Endama Komeleya Cinîyan a Starî Leyla Abukan derheqê ‘xeta têkoşînî yê hemverê şîdetî yê Wanî’ de qisey kerd û va, bi na tora ke ameya awankerdiş armanc oyo ke hemverê şîdetî de lezkî refleks bêro awankerdiş.

 

Wan de derheqê şîdetê hemverê cinî û tutan de ‘Tora Têkoşînî yê hemverê şîdetî yê Wanî’ amî awankerdiş. Mîyanê pê ameyê platformê bi serkêşîya Komeleya Cinîyan a Starî, Komeleya Huqûqnasê semedê Azadîye (OHD), Komeleya Heqê Merdiman (ÎHD) ameya awankerdiş de, Merkezê Heqê Cinîyan ê Baroyê Wanî, Komîsyonê Heqê Tutan ê Baroyê Wanî, Komîsyonê Koçberîye yê Baroyê Wanî, Komeleya Heqê Merdiman û Çapemenîye (ÎHAMED), Odaya Tabîban Wan-Colemêrgî, Konfederasyonê Sendîkaya Kedkarê Îstîmlakî (KESK) ê Wanî, Kordînasyonê Cinîyan ê Îdarekarîyê Herêmî yê Wanî ca gênê. Netîceya muracatê ke yenê kerdiş de armancê platformî oyo ke cinîyan vera ke mexdûr bikerê, çareserî pê bîyarê û bi xebatê hempar hewl yeno dayîş ke xo biresnê cinîyê ke lazimîya înan est a.

 

Endama Komeleya Cinîyan a Starî Leyla Abukan derheqê tora ameya awankerdiş de qisey kerd.

 

‘Ma do bi pêro sazgehan xebatê xo pê bîyarê’

 

Leyla Abukan bale ant serê sebebê awankerdişê tore û va: “Ma babeta ke verê înan bifînê kamci sazgehê, kamci hetî de, bi sînor mendêne. Nê semedî ra goreyê hewcedrîyê cinîyan Wan de ma bi Sazgehê Komelê Sivîlî û sazgehê bînî dir hemkarî kerd. Heqê tutan ê baroyî, komîsyonê koçberî, merkezê heqê cinîyan û sazgehê bînan dir ma xebata xo kerd.”

 

‘Esasê hewcedarî de do xebatî bêrê kerdiş’

 

Leyla Abukan dîyar kerd ke her sazgehêk goreyê xo mekanîzmayêk ci yê muracatî est o û wina va: “Sey  komele semedê çapemenîya komelî û xebatê wareyan, cinîyan bi rehetî xo resnayîne ma. Yê ke nêeşkenê xo biresnê zî bi pêşnîyazîyan ameyîne. Lazimîyê cinîyan avûkatan dir bibo, bi rehetî eşkenê xo biresnê. Cinî vera ke mexdûr bibê do bi lez  problemî bêrê çareserkerdiş. Armanc oyo ke hemverê şîdetî de bi lez refleks bêrê awankerdiş.”