STENBOL - MKG'yî venga komele û meslegdaranê xo kerd ke semedê rojnamegere Perihan Sevda Erkilinç ke semedê çalakîya xo ya meslegî ameya tepiştiş û nêweşîya çolyakî aye dir est a, paştdayîş bimojnê ra.

 

Komeleya Rojnamegeranê Cinîyan ê Mezopotamyaye (MKG) do siba Şubeyê Stenbolî yê Komeleya Heqê Merdiman (ÎHD) ya Beyogluyî de semedê Perihan Sevda Erkilinç, muxabîra rojnameyê Ozgur Gelecekî ke 2yê gulane ra tepişte ya, eşkerayîya çapemenîye do organîze bikero.

 

Perîhan Sevda Erkilinç ke Zîndanê Cinîyan ê Bakirkoyî de ya, nêweşîya çolyakî zî aye dir est o û semedo ke zîndan de parêzêke bêgluten nîno dayîş, problemanê weşîye yê cidî dir rî bi rî ya.