Nazlican Nûjîn Yildiz

 

ÎZMÎR- Endama Înîsîyatîfê Hewcedarîya Mi Bi Aştîye Est a Aysel Onen derheqê xebatê têgêrayîşê cinîyan û prosesî de qisey kerd û va, serkêşê têkoşînî cinî yê û wina va: ”Abdullah Ocalan sere de muhîmî dayîne cinîyan. Ma nê zî pêro xebat û erjnayîşanê ry de vînenê.”

 

Têkoşînê cinîyan ê Kurdistanî û Tirkîya ke her ke şino berz beno, dimayê vengdayîşê Rayberê Şarê Kurdî Abdullah Ocalanî tewr zêde bî. Cinî her wareyî de semedê aştî têkoşînê xo dewam kenê. Rayberê Şarê Kurdî Abdullah Ocalanî na rewşe hem mesajê 8ê Adare de, hem zî mesajê semedê Jîneolojî ard ziwan.

 

Endama Înîsîyatîfa Hewcedarîya Mi Bi Aştîye Est a Aysel Onen derheqê muhîmîyê xebatê cinîyan yê prosesê peyîn de qisey kerd û dîyar kerd ke xebate bêmabêne dewam kena û tewrnîyayîşê cinîyan ê nê xebatan xeylêk bierj o.

 

‘Abdullah Ocalan destpêk de muhîmî dano cinîyan’

 

Aysel Onen dîyar kerd ke xebatê derheqê aştîye de demêk derg o dewam kenê û yew zî aktorê aştîye cinî yê. Aysel Onen wina va: “Dimayê kongreya PKK’yî xebatî hîna zêdeyêr bî. Nê xebatî zêdeyêr bî. Na xebate bi rayîrşîyayîşê Amedî tacîdar bî. Hêvî est a. Hewcedarîya pêro kesî bi aştîye est a. Rayberê Şarê Kurdî Abdullah Ocalanî destpêk de muhîmî dano cinîyan. Ma nê xebate û erjnayîşê ey de baş vînenê. Awankerdişê Jîneolojî de ma baş vînenê. Her xebata xo de qalê cinîyan keno. Zano ke yê ke aştîye bîyarê cinî yê. Semedo ke dinya de cinîyan nê kerdo. Serkêşê têkoşînî cinî yê.”

 

'Tena aştî nê, demokratîkbîyayîş zî muhîm o’

 

Aysel Onen dîyar kerd ke cinî zêdeyêr tewrê prosesî benê û heto bîn ra zî îqtîdar bi vatişê ‘serra keyeyî’ hewl dano ke cinîyan hepsê keyeyî bikerê. Aysel Onen wina va: “Keye semedê îqtîdarî hacetê esas o. Pêro îqtîdarî hewl danê ke cinîyan mîyanê keyeyî de bifetisnê. Îqtîdar hêzê xo keyeyî ra gêno. Îqtîdar pêwa pêro hewldayîşanê xo zano hêzê xo vînî kerdo. Semedê xêrê têkoşînê cinî, cinî zanê ke çi wazenê. Semedê nê zî tena aştî nê, demokratîkbîyayîş zî muhîm o. Ganî no şer peynî bibo. Ganî ma problemê xo yê esas bivînê. Ganî ma derheqê nê de hewl bidê. Ganî her kes berpirsyarîyê xo bîyaro ca.”