MÊRDÎN - Felaketê şewatî yê dewê Xana Axpar û Şemrexî de 15 welatijî dinyaya xo bedelnabî. Kesê ke  şewat de dinyaya xo bedelnayî, gorê xo ser o ameyî yadkerdiş. 

 

Şewa 20ê hezîrana 2024ine de dewa Tobînî ya qezaya Xana Axparî ya Amedî de şewat vejîya û demêk kilm de dewa Helberî ya qeza û dewê Kelekê û Dirînî yê qezaya Şemrexî ya Mêrdînî de vila bî. Şewat de 15 welatijan dinyaya xo bedelnayî. Semedê her 15 welatijan dewa Kelekê ke 10 kesan uca de dinyaya xo bedelnabî, merasîmê yadkerdişî ame organîzekerdiş. Saetê serê sibayî de dewê derûdorê xeylêk welatî ameyî Kelekî û keyeyê şînî de kom bî. Cinî û tutî zî fotografê merdimanê xo girewtî û şîyî serê gorê merdimanê xo. 

 

Welatijê ke ameyî goristan, gulan dayî serê gorê merdimanê xo. Yadkerdiş de welatijan reaksîyon mojna û vatî ke erey mudaxele ameyo kerdiş coka felaketêk wina pîl virazîyayo. Rêxistinê DEM Partî û DBP’yî yê bajar û qezayan, wekîlê DEM Partî Kamûran Tanhan û Bêrîtan Guneş, hemşaredarê Şemrexî û Bajarê Pîlî yê Amedî zî ameyî dewe. Girse, dima ra cayê şînî ra derbasê goristanî bi. 

 

Merasîmê yadkerdişî yê goristanî de rêze amî girewtiş û dima cû zî beşdaran gulan dayî goran ser.