Pelşîn Çetînkaya

 

AMED- Endama Komîsyonê Wendekaran ê SES’î Zekiye Zîlan Çelîker, reaksîyon vera sîstemê serdestî yê sîstemê weşîye mojna û va: “Xoresnayîşê cinîyan ê xizmetê weşîye û bedenê cinîyan goreyê sîstemê serdestî yê camêrdî ameyo formkerdiş. Şîfatîya ke verê cinîyan serkêşî kerdêne ewro açarya wareyo ke cinî ser o kontrolê xo keno yo.”

 

Semedê bêtêduştîya cinsî ya sazgehê weşîye de, cinî çin yenê hesibnayîş. Wareyê weşîye de zî cinî benê hedefê camêrdan. Pêwa nê têkoşînê cinîyan ê hemverê polîtîkayê serdestî yê camêrdan dewam kenê.

 

Endama Komîsyonê Wendekaranê Sendîkaya Kedkarê Xizmetê Weşîye û Komelî (SES) Zekîye Zîlan Çelîker, derheqê sîstemê weşîye de û cayê cinî yê sîstemê weşîye de erjnayîş kerd.

 

Camêrdî û hekîm xo kenê merkez

 

Zekîye Zîlan Çelîker dîyar kerd ke şifakarîya cinîyan seranserê tarîxî de hetê camêrdan ra çin ameyo hesibnayîş û wina va: “Bi averşîyayîşê tibê modern cinî teberê nê wareyî de ameyî girewtiş. Bêşik no bi nê sînor nêmaneno. Averşîyayîşê tibê modernî dir camêrd û hekîman xo kerdî merkez û cinî zî bêerj ameyî verdayîş. No zî pratîkê înan yê cuye yeno vînayîş.”

 

Serdestîyê cinîyan ser

 

Zekîye Zîlan Çelîker va, xoresnayîşê cinîyan ê xizmetê weşîye û bedenê cinîyan goreyê sîstemê serdestî yê camêrdan ameyo formkerdiş û wina va: “Şifatîya ke verê cinîyan serkêşîya ci kerdêne, ewro açaryayo wareyêk ke cinîyan ser o kontrolê xo keno yo. No proseso tarîxî polîtîkayê ke yenê kerdiş, xoser nîyê.”

 

‘Ganî cinî têgêrayîşê weşîye xo awan bikerê’

 

Zekiye Zîlan Çelîker va, ganî cinî hemverê sîstemê weşîye, têgêrayîşê weşîya cinî awan bikerê û çareserî zî bi nê mumkin a. Zekiye Zîlan Çelîker wina qedêna: “Ma SES’î dir xebatê weşîye kerd. Ma nê problemî cayê ci de vînayîne. Ma vanê ke çarseriya hemverê nê probleman bi awankerdişê têgêrayîşêk weşîye yê cinîyan mumkin a.”