MÊRSÎN - Her çiqas keda nêvînaye ya cinîyan mîyanê sîstemî de bi krîzê ekonomî tewr zêde nîna vînayîş zî Fatma Batmaz ke hewl dana bi berardişê keda destanê xo lingan ser o vindero û va, xeylê wextê xo dana nê karî zî nêeşkena heqê keda xo bi dest bikerî.

 

Her çiqas cinî xeylêk wareê cuye de hemverê şîdetê psîkolojîk û fîzîkî de têkoşîn kenê zî ê eynî wextî de semedê keda xo ya nêvînaye mîyanê sîstemî de zî têkoşîn kenê. Keda nêvînaye ya cinîyan ê keyeyî bi berardeyê ke bi keda destan ameyê viraştiş, vejênê kuçeyan. Cinî krîzê ekonomî de hewl danê ke bi berardişê keda destanê xo lingan ser o bimanê. Cezayê ke hetê şaredarîyan ra serê cinîyê ke wazenê cayê qeraxî yê Mêrsînî standan abikerê tena ferz kerdî, têkoşînê cinîyan asteng keno.

 

Şaredarî nêverdenê ke standê berardişê destan cayêk qij de bêrê akerdiş û ceza birnenê. Ê semedê cinîyan cayêk nêviraznenê ke berardişê keda destê xo yê bêasayîş û bêqeyd mîyanê sîstemî de bimojnê. Cinî bi kedkarîya mewsimî û bi berardişê destê xo têkoşîn danê. La krîzê ekonomî nê têkoşînî nêvînaye vîneno.

 

Fatma Batmaz ke berardişê xo yê bi destan viraştê wareyêk qij ê qeraxê qezaya Akdenîzî akerda, eynî wextî de qalê zehmetîyû debara cuye bi berardişê destan ke viraştê û eynî wextî de qalê problemê ke semedê krîzê ekonomî dir rî bi rî mendê, kena.

 

Fatma Batmaz ke 5 serrî yo hewl dana bi karê destan debara xo bikero, qal kerd ke semedê şert û mercî xidar bî, aye muracatê nê karî kerda û va: "Her çiqas hetê psîkolojî de mi baş dana hîskerdiş zî şert û mercî zaf xidar ê. Ez keye de amade kena, ana tîya standê xo akena. Hîn rojan ez eşkena biroşî, hîn rojan ez qet çîyêk nêroşena. Ez xebityena ke keyeyê xo rê nêbî bar û bi xo debara xo bikerî. Zehmetîyê ekonomî pîl ê û her kes tesîr beno. Her çî zaf vay o, verê topêk rîs 1 tl. 500 kuruş bi, nika bîyo 50 tl. Tena di pêkayê qijî nê ra vejênê. Ez heta serê sibayî aya bena, ez hewl dana ke biroşî la merdimî vanê vay a. Semedo ke şert û mercî xidar ê, cinî muracatê nê karî kenê. Şar yeno û perseno la nêeşkenê nê pêkayan bigîrê, semeeo ke îmkanê înan ê ekonomî çin ê. Psîkolojiya merdiman semedê problemê ekonomî xira bîya. Tengî û şer her tim semedê ekonomî yê. O zî wextê mi gêno û ez heqê keda xo zî nêeşkena bi dest bikerî. Psîkolojîya merdiman semedo ke bêkar ê xira bîya.