MANÎSA - Qezaya Yunusemre de H.A.ya ke emrê tutî de amî zewicnayîş, bi hawayêko bi şik merde amî vînayîş.    

 

Qezaya Yunusemre ya Manîsa de H.A.ya (17), ke emrê tutî de ameya zewicnayîş, demêk derg merdimanê xo dir têkilî nêda ro, merdimê aye bi endîşe şî keyeyê aye. Merdimê H.A.ye, H.A. bi hawayêko bi şik merde dî. Semedê otopsî cenazeya H.A.ye berdîya Morgê Nêweşxaneyê Dewlete yê Merkezefendî.

 

Goreyê neqlkerdişê cîranan; vengê tute nîmeyê şewe camêrdo ke ey dir zewicnaye bî, bi hawayêko munaqeşekerde berz bîne la dima ra veng keye ra biryayo.

 

Ame zanayîş ke fail Îzmîr de ameyo destbendkerdiş.

 

Dîyar bî ke derheqê hedîse de cipersayîş dewam keno.