MERKEZÊ XEBERAN- 22 êzidî ke hetê DAÎŞî ra ameyî qetilkerdiş, 13 tebaxe de bi merasîmêk bêrê definkerdiş.

 

22 cenazeya êzidî yê ke hetê DAÎŞî ra serra 2014 de amebî qetilkerdiş, do bi merasîmêk 13 tebaxe de bêrê definkerdiş. 22 cenazeyê ke nasnameyê înan ameyî tespîtkerdiş; 4ê ci cinî, 18 zî camêrd ê. Nînan ra 10ê ci dewa Koçoyî ra yê, 2yê xo Tilizerî, 2 zî Qin, 2 zî Solax, 2 zî Hamedan û Herdan ra yê, 4ê ci zî derûdorê dewanê Şengalî ra yê.

 

Cenazeyî do 12 tebaxe de Sazgehê Edlî yê Musulî ra bêrê girewtiş û Şengal de merasîmêk bêro organîzekerdiş. Merasim de belgeyê kesê ke dinyaya  xo bedelnayê bidê keyeyanê înan û dima ra zî cenazeyî do bêrê definkerdiş.