DÊRSIM - Gulistan Dokû ya ke 6 serrî verî ameye vînîkerdiş, keyeyê aye medyaya dîjîtale ser o venga da û va: “Semedê paştdayîşî ma vengdayîşê heme cinîyan kenê. Gulistan tarîye de pabeyê ma ya.”

 

Wendekara sinifa diyîne ya Zanîngeha Mûnzûrî ya Dêrsimî Gulistan Dokû ya ke 6 serrî verî ameye vînîkerdiş, 13ê Nîsane de dosya de averşîyayîşêk virazîya. Netîceyê averşîyayîşan de lajê Walîyê Dêrsimî Tuncay Sonal, Mustafa Turkay Sonal zî mîyan de 13 kesî ameyî destbendkerdiş. 13 kesê ke ameyî destbendkerdiş, îfadeyê înan hema dewam keno. Keyeyê Gulistan Dokû zî verê edliyeyî de pabebîyayîşê xo dewam keno.

 

Keyeyê Gulistan Dokû medyaya dîjîtale ser o venga da û va: “Ma sey keye verê edliye de yê. Semedê paştdayîşî ma vengdayîşê heme cinîyan kenê. Gulistan Dokû tarîye de pabeyê ma ya.”