MERKEZÊ XEBERAN - Zextê rejîmê Îranî yê cinîyan ser o zêde benê. Ame eşkera kerdene ke rejîmê Îranî di çalakîkeranê cinîyan rê, yew ci ra 27 serrî û yew zî 26 serrî cezaya zindanî birna.

 

Dadgeha bajarê Simnanî ya Îranî derheqê birnayîşê cezaya zindanî ya di cinîyanê çalakîkeran ser o eşkerayîyêke vila kerd.

 

Eşkerayîye de ame dîyarkerdiş ke cinîyê bi nameyanê Fatme Melek Ehmedî û Leyla Remezanî bi tometê girêdayîşê ke pêwa medyaya muxalîfî û vilakerdişê fotografê bombevaranî cezayê zindanî ci rê ame birnayîş.

 

Ame dîyarkerdiş ke Fatme Melek Ehmedî rê 26 û Leyla Remezanî rê zî 27 serrî cezaya zindanî ameye birnayîş.

 

Ame vatiş ke teberê cezaya zindanî de, cezaya bêparverdayîşê xizmetguzarîyanê dewlete, qedexeyê şîyayîşê teberê welatî, bêparverdayîşê endamîya partî, komê sîyasî û cimatî zî ci rê ameyî birnayîş.