Evîn Çîftçî

 

RIHA - Rihayî de tutêk bi nameyê Muhammed Kendîrcî bi îşkence amebi qetilkerdiş. Derheqê qetilkerdişê Muhammed Kendîrcî hetê Serdozgerîya Komare ya Rihayî ra îdiname ame amadekerdiş û şirawitî 10ine Dadgeha Ceza Giranî ya Rihayî. La dadgehe waşt ke dewa bajêrêk bîn de bêro dîyayîş.

 

Qezaya Hewagî ya Rihayî de 15ê teşrîna peyêne 2025ine de tuto 15 serre Muhammed Kendîrcî o ke kargeyê xeratî de xebitîyayîne, kargeyî de hetê Habîb Aksoyî ra bi îşkence ame qetilkerdiş. Hetê Serdozgerîya Komare ya Rihayî ra sucê “bi qestî tut qetilkerdiş” îdiname derheqê kerdoxî de ame amadekerdiş. Îdiname şirawitî 10ine Dadgeha Cezaya Giranî ya Rihayî.

 

Ca dayî rapor

 

Îdianameyî de çîyê ke roja hedîseyî qewimyayî ameyî vîrkerdiş û ca dayî Raporê Vengê Kesê Zanayî û Cigêrayîşî (OYÎ). La goreyê Raporê Analîzê Biyolojîkî yê Mudirîya Laboratuwarê Polîsanê Krîmînal ê Amedî hêrîş çinbî û wina yeno vatiş: “Goreyê Raporê Yewine Komîteya Pisporbîyayîşê Tipê Edlî yê tarîxê 28.01.2026ine, dayeyê tibî yê derheqê binpaykerdişê hemverê destnêdayîşê cinsîyetî yê maktulî çin ê.”

 

Merdişo girêdayeyê îşkence

 

Heto bîn ra goreyê eynî raporî semedê îşkenceyo ke Muhammed Kendîrcî ser o ameyo kerdiş, Muhammed Kendîrcî merdo û dimayê îşkenceyo ke ey ser o ame kerdiş berdê Nêweşxaneyê Dewlete yê Hewagî û nê îfadeyî ca girewtî: “Xebatkarê nêweşxaneyê Hewagî cilê maktulî eştî çop û nê semedî ra bi talîmatê CBSyî yê Hewagî ra hetê Amîrtîya Merkezê Polîsanê Hewagî ra hetê sucê ‘çinkerdiş ê delîlan’ tehqîqat dest pêkerd û pêwa heme xebatan cil û belgê maktulî nêameyî vînayîş.”

 

Waştişê ceza

 

Îdianameyî de dîyar bî ke îşkence bîyo sebebê merdişê Muhammed Kendîrcî û derheqê gumanbaro Habîp Aksoyî de sucê “bi qestî tut qetilkerdiş” ceza ame waştiş.

 

La 10ine Dadgeha Cezaya Giranî ya Rihayî Serdozgerîya Komare ya Rihayî, HSKyî û Buroyê Muhabereyê Wezaretî ra waştişname ame nuştiş û dîyar bî ke semedê asayîşê hetan muhakeme Rihayî de munasib nîyo. Waştişnameyî de ame waştiş ke muhakeme bajêrêk bîn de bêro kerdiş.

 

Çi bibi?

 

Qezaya Hewagî ya Rihayî de 15ê teşrîna peyêne 2025ine de tuto 15 serre Muhammed Kendîrcî o ke kargeyê xeratîye de xebitîyayîne, kargeyî de hetê Habîb Aksoyî ra îşkence aye ser o amebi kerdiş. Muhammed Kendîrcî 19ê teşrîna peyêne 2025ine de nêweşxane de dinyaya xo bedelnabi.

 

Gumanbaro Habîp Aksoy o ke hewl dayîne biremo teberê welatî Dîlok de amebi tepiştiş.