NAVENDA NÛÇEYAN - Navenda Înîsiyatîfa Sûrî ya azadiya Rêber Abdullah Ocalan li bajarê Kobanê hat vekirin.

 

Li ser asta Bakur û Rojhilatê Sûriyeyê Înîsiyatîfa Azadiya Rêber Abdullah Ocalan a Sûriyayê li bajarê Qamişlo û Helebê navend heye.

Îro jî navenda sêyemîn li ser asta Kantona Firatê li bajarê Kobanê hat vekirin.

 

Bi sedan şêniyên Katonê, endamên sazî û dezgehên girêdayî Rêveberiya Xweser û rêxistinên jinan beşdarî vekirina navenda Înîsiyatîva Sûrî ya Azadiya Rêber Abdullah Ocalan bûn.

 

Merasîma vekirinê bi deqeyek rêzgirtinê destpê kir, piştî rêzgirtinê Berdevka Înîsiyatîfa azadiya Rêber Abdullah Ocalan a Kantona Firatê Eyşe Efendî axivî û got: "26 sal in em di hundir de vê têkoşîn û berxwedanê ji bo azadiya fîzîkî ya Rêber Apo li hemû deverên Kurdistanê dimeşînin. Em di wê hêviyê de ne ku me çawa çeteyên DAÎŞ’ê di Kobanê de têk bir, em ê bi wê têkoşîn û berxwedana xwe azadiya fîzîkî ya Rêber Apo misoger bikin."

 

Berdevkê Însiyatîfa Azadiya Rêber Abdullah Ocalan a Sûriyê Ferzende Munzur jî got:"Em vekirina navenda Înîsiyatîfa Sûrî ya azadiya Rêber Abdullah Ocalan li bajarê berxwedanê Kobanê li Rêber Apo, gelê Kobanê û şehîdên azadiyê pîroz dikin. Ev Înîsiyatîf di rojeke pîroz roja cejna şehîdan 18’ê Gulanê de, roja dîrokî, vekirina navenda Înisîyatîfê pîroz dikin."

 

Piştîre bana Kesk, Sor û Zer bi destê dayîka bi navê Helîma Reşo ku dayîka sê şehîdane (Şehîd Barîn, Botan û Baran) hat vekirin.

 

Piştî vekirinê gel derbasî hundirê navendê bûn û wêneyên Rêberê Gelê Kurd Abdullah Ocalan û yên şehîdan diyarî endamên Înîsiyatîfê kirin.