Rabîa Onver

 

COLEMÊRG - Li Colemêrgê ji navenda bajar bigirin heta qadên çiyayî bi kamera û pêkanînên "Herêma ewlehiya taybet" di bin dorpêçê de ye. Rê, zozan, herêmên bejahî bi zêdebûna kontrolên leşkerî veguherîne girtîgeha vekirî.

 

Colemêrg û navçeyên wê di salên dawî de  bi pêkanînên "Herêma ewlehiya taybet", pergalên kamera û çavdêriya elektronîk di bin kontrolek mezin befireh de ne. Rê, zozan, xetên sînor, çiya tên şopandin.

 

Ev tabolo  paradîgma ewlehiya  ku rêbazên leşkerî bezandiye, nîşan dide. Polîtîkayên ewlehiyê yên dewlet bi salan e li herêmê dimeşîne, êdî bi operasyon, baragehên leşkerî an jî nokteyên kontrolê yên fîzîkî sînor nîne, bi mekanîzmayên şopandina teknolojîk li seranserê jiyana rojane belav dibe.

 

Kamera hatin danîn

 

Bi taybetî bi berfirehkirina qadên wek "Herêma ewlehiya taybet" hatine îlankirin re gelek gund û zozan li sivîlan re hatine girtin û di nav qadê nqedexe hatine îlankirin de Begalte, Dev, Herke, Qelet, Bavê û Bedev hene. Tê diyarkirin ku li van qadan tevgera leşkerî zêde kirine û kamera hatine bicihkirin.

 

Polîtîkayên ewlehiyê mayînde kirin

 

Îlankirina "Herêmên ewlehiya taybet", wek pêkanîna ewlehiya demkî bê pêşkêşkirin jî nava demê de ev mayînde kirine. Derketina zozanan hatiye sînorkirin, tevgera bejahî xistine bin kontrolê û hinek qad ji sivîlan re hatine girtin. Ev rewş di alî mirovên li herêmê diîn de  bandorek neyînî dike.

 

Ber bi aftmosfera ‘girtîgeha vekirî’ ve dibe

 

Ev pergala şopandinê ya li herêmê ji bo mirovan tenê wek pêkanîneke ewlehiyê nayê dîtin. Hesta şopandinê, nokteyên kontrolê, herêmên qedexe û bi mekanîzmayên elektronîk şopandin, gelê herêmê ber bi atmosfera "Girtîgeha vekirî" ve dibe.