*Endama Meclîsa Jinên Ciwan a HDK'ê Eda Kalafat diyar kir ku ew ê di çarçoveya banga Rêberê Gelê Kurd Abdullah Ocalan a 27'ê Sibatê de li her aliyê civakê xwe birêxistin bikin û got, "Em bang li her kesî dikin ku banga Rêbertiyê ya ji bo rêxistinbûneke xurtir û avakirina Civakeke Demokratîk hembêz bikin." DÎMEN HEYE 

 

*Jinên ku li gundê Şîşemzînanê yê Geverê wekî bêrîvan dixebitin, diyar kirin ku ji ber zêdebûna buhayê xwarin û mazotê ew beramberê keda xwe nagirin û ji bo krîza aborî çareseriyên berbiçav û mayînde xwestin. DÎMEN HEYE 

 

*Li Mêrdînê di demên dawî de mirinên bi guman ên jinan zêde bûne û parêzer Berîvan Orhan, diyar kir ku li ser mirinên bi guman ên jinan lêpirsînên bi bandor nayên kirin û destnîşan kir ku divê nêzîkatiya li hember van dozan biguhere. BI DÎMEN 

 

*Jinên ku derbarê mîtînga 1'ê Îlonê Roja Aştiyê ya Cîhanê de axivîn û gotin, "Em ê daxwazên xwe yên ji bo baştirkirina şert û mercên hevdîtinê bi Birêz Ocalan re û amadekirina qadek xebatê ya azad bi raya giştî re parve bikin."DÎMEN HEYE

 

*Hevseroka DEM Partiyê ya Rihayê Ayşe Surucu bang li hemû jinan kir ku beşdarî mîtînga ku dê di 1'ê Îlonê de were li darxistin bibin. Ayşe Surucu destnîşan kir ku ji bo pêkanîna çareserî, edalet û aştiyê divê dengê xwe bilind bikin.  BI DÎMEN 

 

*Jinên êzidî ku tev li komxebata ronesansê bûn, diyar kirin ku ji bo wan kesên ku jin bê hêz didin xuyakirin û bê qîmet dibînin bersiva herî mezin û bihêz e ev komxebat û gotin ku dê heta dawiyê bi banga aştî û civaka azad re ne. BI DÎMEN