NAVENDA NÛÇEYAN -Pirtûka nû ya Rêber Apo ya bi navê "Têkilî û Nakokiya Olan a bi Şaristanî û Civaka Dewletparêz re" bi Farsî hate weşandin.

 

Pirtûka nû ya Abdullah a bi navê "Têkilî û Nakokiya Olan a bi Şaristanî û Civaka Dewletparêz re" bi Farsî hate weşandin.

 

Berhema ji 602 rûpelî ku di çarçoveya lêkolîneke fikrî ya berfireh de hate amadekirin, têkiliyên dîrokî, bandora li hev û nakokiyên navbera saziyên olî, sîstemên civakî û şaristaniyên dewletparêz dinirxîne.

 

Abdullah Ocalan di vî karê xwe de mîrateya mîtolojîk û çandî ya Rojhilata Navîn şîrove dike û rexneyan li metodolojiyên serwer dike.

 

Di berhemê de her wiha veguherîna wê avaniyê tê nîqaşkirin ku bi navê "rejîma heqîqetê" tê pênasekirin û ji bo çareseriya pirsgirêkên rojane li ser bingeha demokratîk û exlaqî nêzîkatiyên nû datîne holê.

 

Navenda Weşanê ya Azadiyê ji bo xwendevan, lêkolîner û kesên li qada sosyolojiya olî kar dikin karibin bi hêsanî berhemê bi dest bixin, pirtûk di formata PDF de amade kir û bêpere weşand.

 

Pirtûk li ser malpera înternetê ya fermî ya Partiya Jiyana Azad a Kurdistanê (PJAK) bi formata PDF'ê dikare bêpere bê peydakirin.