Şehrîban Aslan

 

AMED - Serdozgeriya Komarê ya Erziromê ji Serdozgeriya Komarê ya Êlihê kopiyên delîlên di dosyaya doza Rojwelat Kızmaz de xwest. Di daxwaznameyê de her wiha notek jî hebû ku tê de dihat gotin kopiyên hatine xwestin dibe ku bi doza Gulîstan Doku ve girêdayî bin.

 

Mirina bi guman a Rojwelat Kızmaz, hevala nêzîk a Gulîstan Doku, li Êlihê gelek pirs derxist holê. Rapora Buroya Sûc a Neteweyî eşkere kir ku telefona Rojwelat Kızmaz piştî doza Gulîstan Doku 46 rojan girtî bû. Hat hînbûn ku doz veguhestî Erzoromê hatiye kirin.

 

Piştî nûçeya me, me belgeya ku daxwaza Serdozgeriya Giştî ya Erzurumê ji Serdozgeriya Giştî ya Êlihê ya bi dîroka 20'ê Gulana 2026'an nîşan dide, bi dest xist.

 

Dozger kopiyek ji dosyeyê daxwaz dike

 

Serdozgeriya Giştî ya Erzurumê, di daxwaznameya ji Serdozgeriya Giştî ya Êlihê re şandiye wiha got: "Ji ber windabûna Gulîstan Doku di 5'ê Hezîrana 2020'an de û îdiayên ku ev pêvajo bûye sedema kuştinê, em bi lezgîn daxwaz dikin ku belgeyên jêrîn ji bo lêkolîna pêwîst, di derbarê dosyaya lêpirsîna me ya derbarê waliyê wê demê, gumanbar Tuncay Sonel de, ji Serdozgeriya Giştî ya me re werin şandin."

 

Çi qewimî?

 

Cenazeyê Rojwelat Kızmaz ku di 9'ê Sibata 2024'an de li Êlihê winda bûbû û di bin şert û mercên gumanbar de miribû, di Gola Bendava Ilısuyê de hat dîtin. Dosyaya derbarê mirina bi gûman a Rojwelat Kızmaz de ji aliyê dozgeriyê ve bi hinceta 'bêbigehe' hatibû girtin . Di meha Nîsanê de, malbatê bi delîlên nû dîsa serî li Serdozgeriya Komarê ya Êlihê da. Malbatê pêşketinên dawî yên di doza Gulîstan Doku de wekî "delîlên nû" nirxand û xwest ku biryarên berê yên di doza Rojwelat Kizmaz de bên betalkirin.